ផ្កាយរណប​ពាណិជ្ជកម្ម​ទី ១៣ ចិន​បង្ហោះ​ដោយ​ជោគជ័យ

ផ្កាយរណប​បម្រើ​វិស័យ​ទូរគមនាគមន៍​ បែប​ពាណិជ្ជកម្ម​ទី ១៣ របស់​ចិន​ឈ្មោះ​ថា APSTAR-7B ត្រូវ​បាន​បាញ់​បង្ហោះ​ឆ្ពោះ​ទៅ​កាន់​តារាវិថី​ប្រកប​ដោយ​ជោគជ័យ​ហើយ​​កាល​ពី​ថ្ងៃ​ទី ២៧ វិច្ឆិកា ២០១២កន្លង​ទៅ​​នេះ។

​ក្រុមហ៊ុន​ចិន​ឈ្មោះ China Satellite Communicate បាន​ឲ្យ​ដឹង​ថា ខ្លួន​បាញ់​បង្ហោះ​ផ្កាយរណប​នេះ ក្នុង​គោល​បំណង បម្រើ​សេវា​ទូរគមនាគមន៍​ឲ្យ​អតិថិជន​ចំនួន ៣​ទ្វីប​គឺ អាស៊ី ​អាហ្វ្រិក និង​អ៊ឺរ៉ុប ។

ប៉ុន្តែ​យ៉ាង​ណា​មិញ ផ្កាយរណប​បែប​ពាណិជ្ជកម្ម​ដែល​បាន​បាញ់​បង្ហោះ​នៅ​ស្រុក ស៊ីឈាង ស្ថិត​នៅ​ប៉ែក​ខាង​ត្បូង​ខេត្ត​ស៊ី​ឈួន​នេះ មិន​មែន​ជា​ផលិតផល​របស់​ចិន​ទេ ប៉ុន្តែ​ជា​របស់​​​បារាំង​ទៅ​វិញ។ ក្រុមហ៊ុន​បារាំង​ដែល​ជា​ម្ចាស់​គំនិត​ច្នៃ​ប្រឌិត​ផ្កាយ​រណប​នេះ​ឡើង​មាន​ឈ្មោះ​ថា Thales Alenia Space។



http://news.sabay.com.kh/articles/335678?utm_source=feedburner&utm_medium=feed&utm_campaign=Feed%3A+sabay_kh+%28Sabay%29