មន្ត្រី​ជលផល​រំពឹង​ថា​ផល​ត្រី​ទឹក​សាប​ឆ្នាំ​នេះ​កើន​ដល់​ជិត​៥០០​ពាន់​តោន

រដូវ​បើក​នេសាទ​ត្រី​នោះ គឺ​ត្រូវ​បាន​អនុញ្ញាត​រហូត​ដល់​ដើម​ឆ្នាំ​២០១៣ ក៏​ប៉ុន្តែ​ចំនួន​ផល​ត្រី​ឆ្នាំ​នេះ គឺ​មិន​​បាន​កើន​ឡើង​ជាង​ឆ្នាំ​មុន​ទេ។

ប្រធាន​រដ្ឋបាល​ជលផល​នៃ​ក្រសួង​កសិកម្ម រុក្ខាប្រមាញ់ និង​នេសាទ លោក ណៅ ធួក អះអាង​នៅ​ថ្ងៃ​ទី​២៨ ខែ​វិច្ឆិកា ដោយ​លោក​បាន​រំពឹង​ថា ផល​ត្រី​ទឹក​សាប​នៅ​បឹង​ទន្លេសាប នៅ​ឆ្នាំ​២០១២ នេះ កើន​ដល់​ចំនួន​ជិត ៥០០​ពាន់​តោន បូក​ជាមួយ​ផល​ត្រី​ទឹក​ប្រៃ និង​ផល​ត្រី​ចិញ្ចឹម​ដែរ​នោះ កើន​ដល់​ចំនួន​ជាង ៦០០​ពាន់​តោន គឺ​ប្រហាក់​ប្រហែល​នឹង​ឆ្នាំ​២០១១ កន្លង​ទៅ​នេះ​ដែរ។

បច្ចុប្បន្ន​ប្រជា​នេសាទ​កំពុង​តែ​បន្ត​ប្រមូល​ផល​ត្រី ឬ​ចាប់​ត្រី​ទឹក​សាប​បាន​ចំនួន​ជាង ៥០០​តោន​ហើយ នៅ​ក្នុង​រយៈពេល ២​ខែ ចាប់​តាំង​ពី​ការ​បើក​រដូវ​នេសាទ​ត្រី​កាល​ពី​ថ្ងៃ​ទី​១ ខែ​តុលា ឆ្នាំ​២០១២ រហូត​ដល់​ពេល​នេះ។ ចំនួន​នេះ​ប្រហាក់​ប្រហែល​នឹង​ឆ្នាំ​២០១១ កន្លង​ទៅ​នេះ​ដែរ។

http://www.rfa.org/khmer/indepth/fish_products_2012-11282012011755.html