ការ​បង្កើត​កិច្ច​ព្រមព្រៀង​នាំ​ចេញ​អង្ករ​កាតែល​រវាង​អាស៊ាន​អាច​នឹង​បរាជ័យ

កត្តា​សំខាន់​នៃ​ការ​បង្កើត​កិច្ច​ព្រមព្រៀង កាតែល នេះ គឺ​ជៀស​វាង​ការ​ប្រកួត​ប្រជែង​គ្នា​រវាង​អ្នក​នាំ​ចេញ ឬ​អ្នក​ផលិត​អង្ករ​នៅ​ក្នុង​តំបន់ ហើយ​លទ្ធផល​ចុង​ក្រោយ​នឹង​ធ្វើ​ឲ្យ​អ្នក​នាំ​ចេញ​អង្ករ​ទាំង​នោះ​លក់​អង្ករ​នៅ​លើ​ទីផ្សារ​អន្តរជាតិ​កាន់​តែ​មាន​តម្លៃ​ខ្ពស់។

ប្រទេស​នាំ​ចេញ​អង្ករ​ចំនួន​ប្រាំ ដែល​គ្រោង​នឹង​បង្កើត​កិច្ច​ព្រមព្រៀង​នេះ​ឲ្យ​បាន​មុន​ឆ្នាំ​២០១៣ រួម​មាន​ប្រទេស​កម្ពុជា ឡាវ ថៃ វៀតណាម ភូមា (មីយ៉ាន់ម៉ា)។

យោង​តាម​គេហទំព័រ​មីយ៉ាន់ម៉ា​ថែម (Myanmar Time) ដែល​ចេញ​ផ្សាយ​នៅ​ដើម​ខែ​តុលា ឆ្នាំ​២០១២ ថា ប្រទេស​សមាជិក​អាស៊ាន​ចំនួន​៥ ដែល​មាន​សក្ដានុពល​នាំ​ចេញ​អង្ករ​ខ្លាំង​លើ​ពិភពលោក នឹង​បង្កើត​កិច្ច​ព្រមព្រៀង​កាតែល នៃ​អ្នក​នាំ​ចេញ​អង្ករ​នៅ​ក្នុង​តំបន់​អាស៊ាន ដើម្បី​បង្កើន​តម្លៃ​នាំ​ចេញ​អង្ករ​ប្រមាណ ១០% នៅ​លើ​ទីផ្សារ​អន្តរជាតិ។ ទោះ​យ៉ាង​ណា ក្រៅ​ពី​ការ​បង្កើន​តម្លៃ​នាំ​ចេញ គឺ​ការ​បង្កើន​គុណភាព​អង្ករ​នៃ​ប្រទេស​ដែល​ចូល​ជា​សមាជិក​កិច្ច​ព្រមព្រៀង​ពាណិជ្ជកម្ម​នីមួយៗ។


http://www.rfa.org/khmer/indepth/cambodia_is_amongst_five_asean_members_on_rice_bloc-11272012235013.html