សាក​ទាយ​​ល​មើល ពូល B ក្រុម​ណា​ឡើង ក្រុម​ណា​ធ្លាក់?

ក្រោយ​ពី ​ថៃ និង​ហ្វីលីពីន បាន​ឆ្លង​ផុត​ពូល​ A ទៅ​ចាំ​​មុន​នៅ​វគ្គ​ពាក់​កណ្ដាល ផ្ដាច់ព្រ័ត្រ យប់​នេះ​ពូល B ​នៃ AFF Suzuki Cup 2012 នឹង​ត្រូវ​​​ប្រសាច​ជើង​ដណ្ដើម​កៅអី​គ្នា​ហើយ​។ ខុស​ពី​ពូល A ដែល​ក្រុម ជម្រើស​ជាតិ​​ថៃ បាន​ដឹង​ខ្លួន​ថា​ជាប់​តាំង​ពី​មុន​ប្រកួត ក្នុង​ពូល B វិញ ក្រុម​ទាំង​៤ មិន​ទាន់​មាន​ក្រុម​ណា​ដែល​ជាប់​ ឬ​ធ្លាក់​ស្វ័យប្រវត្តិ នោះ​ទេ ពោល​គឺ​ត្រូវ​កាត់​សេចក្ដី​នៅ​ថ្ងៃ​ចុង​ក្រោយ​នេះ​ទាំង​អស់។

ក្រុម​ជើង​ឯក រង​ ឥណ្ឌូណេស៊ី​​ ដែល​​កាន់​៤​ពិន្ទុ​ក្នុង​ដៃ នឹង​ត្រូវ​ជួប​សង​សឹក​ក្រុម​ការពារ​តំណែង​ជើងឯក ម៉ាឡេស៊ី ដែល​មាន​៣ពិន្ទុ ចំណែក​ឯ​​ក្រុម​ជើងឯក​បី​សម័យ សិង្ហបុរី ដែល​មាន​បី​ពិន្ទុ​ និង​ជួប​​ក្រុម​ទើប​ឡើង​ពី​វគ្គ​ជម្រុះ​ ឡាវ ដែល​មាន​១ពិន្ទុ។ ជំនួប​តានតឹង​ទាំង​ពីរ​នេះ នឹង​ត្រូវ​ធ្វើ​ឡើង​ដំណាល​គ្នា​នៅ​វេលា​ម៉ោង ៧:៤៥នាទី​យប់​នេះ​។

តារាង​ពិន្ទុ​ក្នុង​ពូល B

ចំ/ថ្នាក់	ក្រុម	ចំនួន​ប្រកួត	ឈ្នះ	ស្មើ	ចាញ់	ទាត់​ចូល​គេ	គេ​ទាត់​ចូល	ពិន្ទុ
១	ឥណ្ឌូណេស៊ី	២	១	១	០	៣	២	៤
២	សិង្ហបុរី	២	១	០	១	៣	១	៣
៣	ម៉ាឡេស៊ី	២	១	០	១	៤	៤	៣
៤	ឡាវ	២	០	១	១	៣	៦	១

អានបន្ត