ក្មេងៗសិស្សសាលចំនួន២០ និងគ្រួបង្រៀន ៦នាក់ បានស្លាប់ ដោយសារការបាញ់ប្រហារយ៉ាងកំរោលមួយពីសំណាក់ខ្មាន់កាំភ្លើងវ័យក្មេងម្នាក់ កាលពីថ្ងៃ១៤ធ្នូ ម្សិលមិញនេះ ខណៈដែលពួកគេកំពុងដើរចូលទៅក្នុងសាលាបឋមសិក្សាដែលស្ថិតនៅក្នុងរដ្ឋ Connecticut នៃសហរដ្ឋអាមេរិក។
អ្នកនាំពាក្យប៉ូលីសរដ្ឋ Connecticut លោកផូល វ៉ាន្សេ បាននិយាយថា ក្មេងៗ ១៨នាក់ បានស្លាប់នៅក្នុងសាលាបឋមសិក្សា សេនឌី ហុក ចំណែកពីរនាក់ទៀតស្លាប់ បន្ទាប់ពីបញ្ជួនទៅដល់មន្ទីពេទ្យ។
លោកបានបន្ថែមថា ព្រមពេលជាមួយគ្នានោះគ្រូ ៦នាក់ នៅសាលាក៏ត្រូវបានសម្លាប់ដោយខ្មាន់កាំភ្លើងរូបនោះផងដែរ។ ក្រោយមកឃាតកររូបនោះក៏បាន សម្លាប់ខ្លួនអេងនៅនោះផងដែរ។
Comments