សវនាការនេះនឹងធ្វើឡើងចាប់ពីថ្ងៃទី១៥ ដល់ថ្ងៃទី១៩ មេសា ឆ្នាំ២០១៣ នៅឯវិមានសន្តិភាពទីក្រុងឡាអេ ប្រទេសហូល្លង់។ តុលាការនឹងបើកឱកាសឲ្យភាគីដើមបណ្ដឹងកម្ពុជា និងចុងចោទថៃ បកស្រាយជាពីរវគ្គដោយឡែកពីគ្នាក្នុងរយៈពេល ៥ថ្ងៃនោះ ប៉ុន្តែតុលាការមិនទាន់ប្រកាសនៃកាលបរិច្ឆេទចេញសាលដីកានៅឡើយទេ។
កម្ពុជា កាលពីថ្ងៃទី២៨ មេសា ឆ្នាំ២០១១ បានដាក់ពាក្យបណ្ដឹងមួយនៅតុលាការយុត្តិធម៌អន្តរជាតិ ដើម្បីបកស្រាយសាលដីកាតុលាការ កាលពីឆ្នាំ១៩៦២ ស្ដីពីប្រាសាទព្រះវិហារ។ នៅថ្ងៃដដែលនោះ កម្ពុជា ក៏បានស្នើសុំឲ្យតុលាការចេញសេចក្តីសម្រេចវិធានការបណ្ដោះអាសន្ន ឲ្យទាហានថៃ ដកចេញពីតំបន់ជុំវិញប្រាសាទព្រះវិហារ ដែលតុលាការបានកំណត់ជាទឹកដីរបស់ខ្មែរ។
Comments