អ្នកវិភាគបានបញ្ជាក់ថា បើសិនជាគ្មានការដោះស្រាយសមស្របទេ ផែនការសហគ្រាសខ្នាតតូច និងមធ្យម ដែលចាត់ទុកជាឆ្អឹងខ្នងសេដ្ឋកិច្ចនោះ គឺជាផែនការដែលដាក់ចេញតែគ្មានប្រយោជន៍។
ទីប្រឹក្សាអភិវឌ្ឍន៍អាជីវកម្ម នៃវិទ្យាស្ថាន វី ឃែភិថល (V CAPITAL Institute) លោក ឌិន វីរៈ មានប្រសាសន៍នៅថ្ងៃទី២៩ វិច្ឆិកា ថា សហគ្រាសខ្នាតតូច និងមធ្យម មានតួនាទីសំខាន់សម្រាប់ការអភិវឌ្ឍប្រទេស ការបង្កើតការងារ ការអភិវឌ្ឍសង្គមនៅក្នុងប្រទេសមួយដែលមានសេដ្ឋកិច្ចទើបលូតលាស់ថ្មី (Emerging Market) មានន័យថា ប្រទេសនេះ បានចាត់ទុកការអភិវឌ្ឍវិស័យអាជីវកម្មដោយផ្ដោតលើសហគ្រាសខ្នាតតូច និងមធ្យម។ ហើយផ្នែកនេះ បានជួយគាំទ្រខ្លាំងដល់ការបង្កើតចំណូលសម្រាប់អ្នកក្រីក្រ និងចូលរួមចំណែកកាន់តែរលូនក្នុងការអភិវឌ្ឍវិស័យឯកជន។
Comments