ឡិចស៊ីសសាកកម្លាំងជាមួយហាយឡែនឌ័រ បុកគ្នាលាន់ដូចរន្ទះ បណ្តាលឲ្យមនុស្ស៥នាក់រងរបួសធ្ងន់ធ្ងរ
រាជធានីភ្នំពេញ ៖ មានហេតុការណ៍គ្រោះថ្នាក់ចរាចរណ៍ដ៏គួរឲ្យរន្ធត់មួយបានកើតឡើង កាលពីវេលាម៉ោង១និង0០នាទីយប់រំលងអធ្រាត្រ ឈានចូលថ្ងៃទី២៦ ខែឧសភា ឆ្នាំ២០១៣ ស្ថិតនៅលើកំណាត់មហាវិថីព្រះនរោត្តម កែងផ្លូវ៣៦០ ស្ថិត ក្នុងសង្កាត់បឹងកេងកងទី១ ខណ្ឌចំការមន ដែលក្នុងហេតុការណ៍នោះបានបណ្តាលឲ្យមនុស្សប្រុសស្រីចំនួន៥នាក់បានរងរបួសធ្ងន់ធ្ងរ។
បើតាមការបញ្ជាក់របស់សមត្ថកិច្ចមូលដ្ឋានបានឲ្យដឹងថា ហេតុការណ៍ដ៏គួរឲ្យរន្ធត់នេះ បង្កឡើងដោយសារតែរថយន្ត២គ្រឿងបានបើកបុកគ្នាពេញទំហឹង ខណៈពេលកំពុងបើកបរបញ្ច្រាសទិសគ្នា ពីត្បូងទៅជើង បណ្តាលឲ្យមនុស្ស៥នាក់ក្នុងនោះស្រី៣នាក់ និងប្រុស២នាក់រងរបួសធ្ងន់ត្រូវរថយន្តសាមុយដឹកយកទៅសង្គ្រោះនៅមន្ទីរពេទ្យភ្លាមៗ។ រថយន្តដែលរងការខូចខាតក្នុងគ្រោះថ្នាក់ចរាចរណ៍នេះមួយគ្រឿងម៉ាក ឡិចស៊ីស RX470 ពណ៌ស ពាក់ស្លាកលេខភ្នំពេញ 2I-1778 និងមួយគ្រឿងទៀតម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខភ្នំពេញ 2J-1657។
Comments