តម្លៃជ័រកៅស៊ូបានធ្លាក់ថ្លៃដល់កម្រិតទាប់បំផុតក្នុងរយៈពេលមួយខែមកនេះ ដោយសារតែការធ្លាក់ថ្ងៃប្រេង និងការធ្លាក់ចុះនៅកំណើនសេដ្ឋកិច្ចក្នុងប្រទេសចិន ដែលជាហេតុធ្វើអោយចំណាប់អារម្មរណ៍មកលើកៅស៊ីដែលគេប្រើប្រាស់សម្រាប់ផលិតសម្បកកង់ និងវត្ថុប្រើប្រាស់ផ្សេងៗត្រូវកាត់បន្ថយ។
តម្លៃជ័រកៅស៊ូដែលបានចែកចាយសម្រាប់ខែនេះ បានចុះ២.៨ភាគរយ នៅត្រឹមចំនួន ២៥០២ដុល្លា ក្នុងមួយតោននាទីផ្សាក្រុងតូក្យូ ពោលគឺតម្លៃនេះគេសង្គេតឃើញថា ស្ថិតក្នុងកម្រិតទាបបំផុតគិតចាប់តាំងពីថ្ងៃទី២ ខែឧសភាមក ដែលធ្វើអោយកៅស៊ូធ្លាក់ថ្លៃ ១៦ភាគរយ សម្រាប់ឆ្នាំនេះ។
អ្នកវិភាគប្រចាំក្រុមហ៊ុន Agrow Enterprise Ltd លោកSureeratKuntho-ngjunបានថ្លែងថា តម្លៃប្រេងឆៅធ្លាក់ចុះនិងទិន្នន័យសេដ្ឋកិច្ចចិនធ្លាក់ចុះខ្លាំងជាដើមហេតុធ្វើអោយសន្ទស្សន៍ទីផ្សារក្រុងតូក្យូធ្លាក់ចុះ។
នៅប្រទេសថៃតម្លៃជ័រកៅស៊ូបានធ្លាក់ចុះ ៣.៨ភាគរយ នៅត្រឹម៨៨,៤០ស្មើរនឹង២.៩០ក្នុងមួយគីឡូក្រាម កាលពីថ្ងៃម្សិលមិញពោលគឺតម្លៃនេះធ្លាក់ទាបបំផុត៕(ដោយៈថា ថៃ)
Comments